तनहुँमा प्रहरी कुट्ने ४ युवा पक्राउ
माघ, २८ काठमाडौं । तनहुँको व्यास नगरपालिका–५ स्थित पर्यटकीयस्थल मानङकोटमा एक प्रहरी जवानलाई कुटपिट गरिएको छ। अस्थायी प्रहरी चौकी मानुङकोटमा कार्यरत प्रहरी सुनिल कार्कीमाथि कुटपिट भएको हो।
कुटपिट घटनामा संलग्न ४ जनालाइ प्रहरीले नियन्त्रणमा लिएको छ। पक्राउ पर्नेमा व्यास–४ निवासी रोशन गुरूङ, जेम्स गुरूङ, सुजल गुरुङ र व्यास–१ निवासी सुदीप विक रहेको प्रहरीले बताएको छ। शनिबार राति २ बजेको समयमा मानुङकोटमा झडप भएपछि सुरक्षाका लागि खटिएका प्रहरीमाथि हातपात भएको प्रहरी नायब उपरीक्षक अशोक थापाले बताए ।
