राप्रपाकी सांसद रोशन कार्कीले भ्रष्टचारीलाई दिइन् बधाई
फागुन, ५ काठमाडौं । राप्रपाकी सांसद रोशन कार्कीले भ्रष्टचारीहरुलाई बधाई दिएकी छिन् । आज प्रतिनिधिसभाको शून्य समयमा बोल्दै उनले भ्रष्टाचारका फाइल कहिले खुल्छ भन्ने प्रश्न पनि गरिन् । ‘बधाई छ भ्रष्टचारीहरुलाई,’ उनले भनिन् ।
हालै ट्रन्सपरेन्सी इन्टरनेसनलको प्रतिवेदनअनुसार धेरै भ्रष्टाचार हुने देशहरुमा नेपाल १८० देशमध्ये १०७ औं स्थानमा रहेको सन्दर्भमा उनले यस्तो बधाई दिएर सरकार पक्षलाई कटाक्ष गरेकी छिन्।
‘प्रधानमन्त्री रोष्ट्रमा उभिएर भन्नुहुन्छ म भ्रष्टाचार गर्दिन र गर्न पनि दिन्न भनेर । नेपाल कसरी १०७ औंं स्थानमा पुग्यो । फाइलहरुको ताँती लागिसक्यो धुलो कहिले टकटक्याउने ? फाइल कहिले खोल्ने ? भ्रष्टाचार युक्त मुलुक भएर हामी बसिरहन सक्छौं सरकार अब ढिला भयो,’ उनले भनिन् ।
