कपिलवस्तुबाट १४ किलो चरेससहित तीन जनालाई पक्राउ
फागुन, ११ काठमाडौं । प्रहरीले कपिलवस्तुबाट १४ किलो चरेससहित तीन जनालाई पक्राउ गरेको छ। हिजो कृष्णनगर नगरपालिका(२ यात्रुगेटबाट तीन जनालाई पक्राउ गरेको जिल्ला प्रहरी कार्यालय कपिलवस्तुका एसपी निरन्जन भट्टले बताए ।
शिवराज नगरपालिका-९ बानियाभार बस्ने ६६ वर्षीय शुकलाल घर्ती, रोल्पा थवाङ गाउँपालिका-५ कुशवाङ बस्ने ४९ वर्षीय प्रेमसरि रोका र रूकुम पूर्व भूमे गाउँपालिका-२ काक्री बस्ने २६ वर्षीय सरिता पुन पक्राउ परेका छन्। उनीहरूबाट १४ किलो ७७४ ग्राम चरेस फेला परेको हो।
