चट्याङ लागेर सिन्धुलीमा तीन जना घाइते
फागुन, १८ काठमाण्डौ । सिन्धुलीको हरिहरपुरगढी गाउँपालिका–१ बसेरीमा शनिबार बेलुका परेको चट्याङले लागेर ३ जना घाइते भएका छन् । जिल्ला प्रहरी कार्यालय सिन्धुलीकाका प्रहरी उपरीक्षक गोविन्दराज काफ्लेले बताए अनुसार हरिहरपुरगढी गाउँपालिका–१ की ५२ वर्षीया सुकुमाया मोक्तान, ६५ वर्षीय महन्त रुम्बा र २६ वर्षीया फुलमाया रुम्बा घाइते हुनुभएको छ ।
घाइतेमध्ये सुकुमायालाई थप उपचारका लागि हेटौँडा पठाइएको छ । सामान्य घाइते महन्त र फुलमायाको स्थानीय अस्पतालमा उपचार भएको प्रहरी उपरीक्षक काफ्लेले बताउनुभयो ।
