नेपाली बजारमा आज पनि सुनको भाउ ह्वात्तै घट्यो
काठमाडौं १९ वैशाख । सुनचाँदी बजारमा आज छापावाल सुनको मूल्य प्रतितोला ८०० ले घटेर ९८ हजार २०० तोकिएको छ। सुनको अघिल्लो दिन प्रतितोला ९९ हजारमा कारोबार भएको थियो।
नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला ९७ हजार ७०० तोकिएको छ। यसको मूल्य अघिल्लो दिन प्रतितोला ९८ हजार ५०० थियो।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १० ले घटेर एक हजार २९० मा आएको महासङ्घले जनाएको छ।
