आश्रयस्थलमा १० जना सुतिरहेको टहरामा छिर्यो टिपर , ३ जनाको मृत्यु

फागुन, २३ काठमाण्डौ । काठमाण्डौको साँखुमा टिपरले ठक्कर दिँदा ३ जनाको मृत्यु भएको छ । द्वन्द्वपीडित तथा अपाङ्ग समाज संस्थाले जस्ताको टहरामा सञ्चालन गरेको बालबालिकाहरुको आश्रयस्थलमा टिपर ठोक्किँदा वर्ष र थर नखुलेका दुई बालक आकाश र सुमन तथा ४५ वर्षका हरिजनको मृत्युभएको प्रहरीले बताएको छ ।
शंखरापुर नगरपालिका ६ साँखु सलम्बुटारमा रहेको साँखु ब्रह्मखेल सडक खण्डमा बा २ क ६५८० नम्बरको टिपर आज बिहान साढे ३ बजेतिर अनियन्त्रित भई सडक छेउको टहरोमा ठोक्किएर भित्र पसेको जिल्ला प्रहरी परिसर काठमाण्डौका प्रवक्ता प्रहरी उपरीक्षक (एसपी) अपील राज बोहराले बताउनुभयो । टिपरले ठक्कर दिएको कोठामा १० जना सुतिरहेका थिए ।