माओवादी केन्द्रको पदाधिकारी बैठक सोमबार बस्ने
फागुन, २५ काठमाडौं । नेकपा (माओवादी केन्द्र)को आज बस्ने भनिएको पदाधिकारी बैठक स्थगित भएको छ। आज दिउँसो ३ बजे बस्ने भनिएको पदाधिकारी बैठक स्थगित भएको माओवादी केन्द्रका महासचिव देव गुरूङले बताए ।
माओवादी केन्द्रका सबै पदाधिकारीहरू काठमाडौं आइनपुगेकाले बैठक सारिएको हो। बैठक भोली बिहान ८ बजे बस्ने महासचिव गुरूङले बताए । बैठकमा चैतको ५ गतेका लागि तोकिएको स्ववियु निर्वाचनको तयारी, जागरण अभियानको अहिलेसम्मको समीक्षा, नेताहरूको जिम्मेवारी र समसामयिक राजनीतिबारे छलफल हुने उपमहासचिव वर्षमान पुनले बताए । अहिले हाम्रो जागरण अभियान मधेसकेन्द्रित छ।
