काठमाण्डौमा आज बिहान भूकम्पको धक्का महसूस
बैशाख, ३ काठमाण्डौ । काठमाण्डौ उपत्यकासहित आसपासका क्षेत्रमा आज बिहान भूकम्पको धक्का महसूस भएको छ । नेपालको उत्तरी सिमानाबाट १८ किलोमिटर टाढा चीनको डिङ्जेलाई केन्द्रविन्दु बनाएर ५ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले बताएको छ ।
यो भूकम्प बिहान ४ बजेर ५ मिनेटमा गएको थियो । भूकम्पको सामान्य धक्का महसूस गरिएको थियो । यसअघि गएको चैत २१ गते जाजरकोटको पैंक केन्द्रविन्दु बनाएर पाँच दशमलव पाँच म्याग्निच्युडको भूकम्प गएको थियो । यो भूकम्पका कारण केही घरमा क्षति पुगेको थियो ।
