आइतबार पनि विद्यालयहरू बिदा हुने
शिक्षा मन्त्रालयले विद्यालयहरूमा पनि शनिबार र आइतबार बिदा दिने निर्णय गरेको छ।
जेठ १ गतेदेखि लागू हुनेगरी बुधबार सो निर्णय गरेको मन्त्रालयका प्रवक्ता दीपक शर्माले जानकारी दिए।
हिउँदे बिदा, वर्षे बिदा र पर्व बिदा कटौती गरी शनिबार र आइतबार बिदा दिने मन्त्रिस्तरीय निर्णय भएको हो।
वार्षिक रूपमा हुने ५० दिने हिउँदे, वर्षे बिदाहरू कटौती गरी जम्मा २५ दिनसम्म मात्रै दिन पाइने भएको उनले बताए।
