उम्मेदवार केशव स्थापितको वडामा कांग्रेसको प्यानलै निर्वाचित
जेठ,६ काठमाडौं । एमालेका तर्फबाट काठमाडौं महानगरपालिकाका मेयर उम्मेदवार केशव स्थापितको वडामा कांग्रेसको प्यानलै निर्वाचित भएको छ ।
स्थापितको वडा काठमाडौं-२८ मा कांग्रेसको प्यानल नै निर्वाचित भएको छ । कांग्रेसका भाइराम खड्की वडाध्यक्षमा निर्वाचित भएका छन् ।
वडाध्यक्षमा निर्वाचित खड्कीले १ हजार २८२ मत पाउँदा निकटतम प्रतिद्वन्द्वी एमालेका विपेन्द्र खड्कीले १ हजार ७० मत पाए । वडासदस्यमा पनि कांग्रेसकै उम्मेदवार विजयी भएका छन् ।
