नेपाली काँग्रेसका मेयर र उपमेयर निर्वाचित
काठमाडौं ७ जेठ । रौतहटको कटहरिया नगरपालिकामा नेपाली काँग्रेसका मेयर र उपमेयर निर्वाचित भएका छन् । काँग्रेसबाट मेयरका उम्मेदवार अजय प्रकाशले २ हजार ५९५ र उपमेयर रिता देवी २ हजार ९८३ मतको अन्तरले निर्वाचित भएका हुन् ।
प्रकाशले कूल ७ हजार १ सय ७२ मत ल्याए भने उपमेयर रिता देविले ७ हजार ५ सय २० मत ल्याइन् । उनका निकटतम प्रतिद्वन्द्वी एमाले उम्मेदवार तथा कटहरियाका निवर्तमान मेयर सियाराम कुश्वाहाले ४ हजार ५ सय ७७ र कुन्ती देवीले कुल ४ हजार ५ सय ३० मत ल्याए ।
