सुरक्षाकर्मीको कुटाईबाट एक नेपाली घाइते
भारतीय सीमा सुरक्षा बलका जवानहरुको कुटाईबाट अटिअर्वा नाकामा एक नेपाली नागरिक घाइते भएका छन्। एसएसबीको कुटाईबाट कलैया उपमहानगरपालिका १० अटिअर्वाका सजिल मियाँ घाइते भएका बारा प्रहरीले जनाएको छ ।
भारतको आदापुर बजारमा किनमेल गर्न जाँदै गरेको मियाँलाई कुटपिट गरिएको विरोधमा मटिअर्वाका स्थानीयहरुले भारतीय सीमा सुरक्षा बलको विरुद्धमा प्रदर्शन समेत गरेका छन्।
भारतीय एसएसबीले नेपालबाट आदापुर बजारबाट माल सामान किन्न आउने नेपालीहरुमाथि ज्यादती गरेको देखेर भारतीय गाउँ लालाछप्राका स्थानीयले समेत बिहानै विरोध गरेका थिए।
कुटपिटबाट घाइते मियाँको कलैया अस्पतालमा उपचार गराई घर फर्काइएको बारा प्रहरीले जनाएको छ।
