पक्राउ परेका बञ्चरेडाँडाका १४ जना स्थानीय छुटे
२४ जेठ,काठमाडौं । फोहोर बोकेको ट्रकलाई अवरोध गरेको भन्दै पक्राउ परेका बञ्चरेडाँडाका १४ जना स्थानीय छुटेका छन् ।
फोहोर विसर्जन सकिएपछि प्रहरीले उनीहरूलाई छोडेको धुनेवेशी नगरपालिका- १ का वडाध्यक्ष मानबहादुर लामाले बताए ।
भोलि पनि शान्तिपूर्ण आन्दोलन हुने लामाले बताए । स्थानीयको अवरोधका बीच आज १५२ वटा ट्रक फोहोर बोकेर बञ्चरेडाँडा पुगेका थिए ।
फोहोर व्यवस्थापनमा सहमति भएपछि काठमाडौंको फोहोर उठाएका ट्रकहरू बञ्चरेडाँडा पुगेका थिए । तर, स्थानीयले भने अवरोध पुर्याएका थिए । स्थानीयको अवरोधपछि प्रहरीले बल प्रयोग गरेर फोहोर व्यवस्थापन गरेको थियो ।
