लोकतान्त्रिक समाजवादी पार्टी कार्यकारिणी समितिको बैठक सुरु
असार, १९ काठमाडौं । लोकतान्त्रिक समाजवादी पार्टी नेपालको कार्यकारिणी समितिको दोस्रो दिनको बैठक सुरु भएको छ । बबरमहलस्थित पार्टी कार्यालयमा सुरु भएको बैठकमा पार्टीको अन्तरिम विधानमाथि छलफल हुने कार्यकारिणी समितिका सदस्य अकवाल अहमदले बताए ।
कार्यकारिणी समितिमा विभिन्न ६ वटा एजेण्डा प्रस्तुत गरिएको छ । अन्तरिम विधान संशोधनको विषय एक नम्बर एजेण्डामा राखिएको छ । सो एजेण्डामाथि शनिबारदेखि नै छलफल सुरु भएको छ । पहिलो एजेण्डा सकिएपछि कार्यकारिणी समिति विस्तार तथा केन्द्रीय समिति गठनलगायतको विषयमा छलफल हुने बताइएको छ । त्यसका साथै, समान विचार मिल्ने अन्य पार्टीहरुसँग चुनावमा सहकार्य गर्ने सम्बन्धमा पनि छलफल हुने बताइएको छ ।
