कर्णाली राजमार्ग अन्तर्गत नाग्म–गमगढी सडक अवरुद्ध
साउन,४ काठमाडौं। कर्णाली राजमार्ग अन्तर्गत नाग्म–गमगढी सडक अवरुद्ध भएको छ ।
निरन्तर वर्षापछि सिंजा गाउँपालिका–२ स्थित विष्टवाडा खोलामा बाढी आएपछि गाडी ओहोरदोहोर गर्न नसकेको हो ।
वडा नम्बर २ का वडाध्यक्ष तीर्थ वडका अनुसारका विष्टवाडा खोलामा सवारी साधान आवतजावत गर्न सक्ने अवस्था छैन । सवारी साधन खोला वारी र पारी रोकिएका छन् । सवारी साधनका यात्रु अलपत्र परेका छन् ।
बाढीले खेत वरपरको धान खेत पनि पुरेको छ । यस्तै, सिंजा गाउँपालिका–३ नराकोट पालिका भवनस्थित हिमा नदीमाथि मानिस सहित सवारी साधन आवतजावत गर्न मिल्ने काठेपुल निर्माण गरिएको थियो ।
